Ќе се формира комисија за истрага за убиства на новинари во Косово

Новинари /фото: МИА

Резолуцијата за итно формирање на Меѓународната истражна комисија за убиства и киднапирања на новинари во Косово од 1998 до 2005 година беше усвоена од Собранието на Европската федерација на новинари (ЕФЈ) на предлог на Здружението на новинари на Србија.

Во Резолуцијата, како што пренесува Бета, се посочува дека повеќе од две децении никој не одговара за 19 од вкупно 20 убиства и киднапирања на српски и албански новинари и медиумски работници.

Од овие 20, само едно убиство е решено пред Меѓународниот кривичен суд за поранешна Југославија, соопшти Здружението.

Извор: МИА

Видео на денот