Работнички успешно ги стартуваше летните подготовки за новата сезона откако првиот пријателски натпревар тимот на Ратко Достаниќ оствари сигурен триумф над новиот прволигаш Пелистер со 2:0.

„Романтичарите“ прикажаа допадлива игра и поведоа во 32. минута со одличниот погодок на капитенот Горан Силјановски. Тој со прецизен удар од 16 метри успеа да го совлада противничкиот голман.

Во вториот дел, Работнички постигна уште еден погодок, а стрелец беше Џордан Ломба во 68. минута од контролниот меч.

Експедицијата на скопскиот клуб денеска замина на подготовки во Охрид каде ќе го реализира вториот дел од подготовките.

Се одиграа уште неколку тест дуели, Беласица беше подобра од Тиквеш со 3:1, со истиот резултат Шкупи славеше против Охрид, додека Академија Пандев ремизираше со Силекс (1:1).