Усмртени најмалку 17 лица во нападите на сириската влада и руските воздушни сили
Сириската влада и руските воздушни сили денеска усмртија најмалку 17 лица во северозападна Сирија, кои сè уште ги држат бунтовниците, пренесува Ројтерс.
После осум и пол години војување, северозападниот дел на земјата, вклучително и Идлиб, е последниот дел од територијата кој е во рацете на бунтовниците.
Најмалку четири лица загинаа за време на воздушниот напад на пазарот во градот Маасран. Шест лица го загубија животот кога беше погоден градот Бдама. И петмина беа убиени во Телманас, во северо-источен дел на Идлиб.
Најмалку две други лица загинаа за време на напад врз околните села. Идлиб е дом на стотици илјади луѓе кои бегаа за време на војната.
Инаку, сириската државна телевизија не известуваше за овие воени операции.