Условите се: Бугарите да влезат во Уставот, да запре говорот на омраза и „дебугаризацијата“, вели Радев

Румен Радев, претседател на Бугарија
Румен Радев, претседател на Бугарија / Фото: EPA-EFE/NEIL HALL

Бугарија е најголемиот поддржувач на европската интеграција на земјите од Западен Балкан и особено на братска Република Северна Македонија, изјави претседателот на Бугарија Румен Радев.

Радев денеска потенцира дека тоа ќе зависи од индивидуалниот напредок и исполнувањето на копенхашките критериуми за членство од страна на сите земји кандидатки.

Бугарскиот претседател верува дека сите ветувања и заложби на Република Северна Македонија за спроведување на билатералниот договор ќе бидат исполнети со цел да се забрза процесот на нејзината европска интеграција.

Сепак, Радев, паралелно со тоа, ги повтори очекувањата дека, како што рече, ќе се решат сите отворени прашања: „уставните гаранции за правата на македонските Бугари, откажувањето од говорот на омраза, завршувањето на процесите на дебугаризација, на фалсификувањето на нашето милениумско културно-историско наследство“ што според него ќе помогнат и ќе го забрзаат процесот за да се отвори вратата за преговори за членство.

Видео на денот