Уште еден супер тим во НБА, Ленард и Џорџ во Клиперс
Најдобриот кошаркар во финалната серија и најбаран слободен играч на трансфер пазарот во НБА лигата, Каваи Ленард, конечно донесе одлука каде да ја продолжи својата кариера и веднаш се создаде уште еден супер тим. Ленард одлучи да се врати во родниот Лос Анџелес и да потпише за Клиперси, објави најреспектираниот новинар во НБА лигата, Адријан Војнаровски.
Free agent forward Kawhi Leonard has informed runners-up teams of his plans: He's signing with the Clippers, league sources tell ESPN.
— Adrian Wojnarowski (@wojespn) July 6, 2019
Долго време се очекуваше Ленард кој на Торонто репторс му ја донесе првата шампионска титула во историјата, да одлучи каде ќе настапува, а три екипи беа во најтесниот избор, Торонто, ЛА лејкерс и ЛА клиперс.
На крајот, изборот падна на клиперси кои ќе потпишат четиригодишен договор со Ленард тежок 142 милиони долари.
Веднаш откако успеаја да го обезбедат потписот со најбараниот слободен играч во НБА, ЛА клиперс направија размена со која станаа инстант фаворит за титулата, го ангажираа Пол Џорџ од Оклахома сити тандерс. Клиперси се откажаа од четири избори на НБА драфтот, и ги дадоа Данило Галинари и Шејн Гилџес-Александер.
Oklahoma City is trading All-Star Paul George to the Los Angeles Clippers for a record-setting collection of draft choices, league sources tell ESPN.
— Adrian Wojnarowski (@wojespn) July 6, 2019
Со ваквиот развој на настаните, ЛА клиперс веднаш стана фаворит за освојување на титулата покрај градскиот ривал ЛА лејкерс, кој се надеваше дека ќе направи супер трио со Ленард, Леброн Џејмс и Ентони Дејвис.