Уште еден Македонец во „Ла Лига“: Трајковски потпиша за Мајорка!
Денеска Александар Трајковски е промовиран како нов фудбалер на Мајорка која во новата сезона ќе игра во најсилната шпанска лига.
Доаѓа како слободен играч од редовите на Палермо за кој настапуваше од 2015 година. Шпанскиот клуб е предводен од тренерот Висенте Морено кој претходно ги водеше уште Ксерез и Химнастик.
➡️ @alextrajko es nuevo jugador del #RCDMallorca
✍? Firma para las próximas 4️⃣ temporadas
? https://t.co/c9uhw5YkTo#JuntsSomMillors #SomelMallorca pic.twitter.com/MwEYAUHoS9
— RCD Mallorca (@RCD_Mallorca) August 7, 2019
За Палермо имаше 113 натпревари во четири сезони (по две во Серија А и Серија Б), со постигнати 20 голови и запишани 16 асистенции. За најдобрата македонска репрезентација има 49 мечеви и 15 погодоци.
– Среќен да се биде дел од овој клуб и проект. Се надевам дека ќе бидам успешен и ќе имам добра сезона. Форца Мајорка – се зборовите на Трајковски.
Тој е вториот Македонец кој ќе настапува во „Ла Лига“, Енис Барди, кој ќе влезе во третата сезона во дресот на Леванте.
Новата сезона во шпанската „Ла Лига“ за Мајорка ќе стартува на 19 август на домашен терен против екипата на Еибар.