Повеќе од 1.800 патници и членови на екипаж на курзер се тестираат во Хонгконг откако некои членови на екипажот пријавиле дека имаат висока температура, а кој тројца кои претходно патувале откриен е новиот коронавирус, пренесуваат светските медиуми.

Крузерот „World dream“ застана во Хонгконг, откако во вторникот му беше одбиен влез во тајванското пристаниште Каохсиунг и сега се наоѓа во карантин, додека сите на бродот се тестираат за новиот коронавирус.

Едно лице е спроведено од бродот и пренесено со возило на Итната помош.

Откриено е дека три лица од континентална Кина кои се качиле на крузерот од 19 до 24 јануари го имале вирусот, соопшти здравственото одделение од Хонгконг.

Поголемиот дел од останатите патници се од Хонгконг. Операторот на крстарењето „Dream Cruises“ соопшти дека има тројца „потврдени“ пациенти, кои го напуштиле бродот во градот Гванжу на 24 јануари.

Претходно, и еден јапонски крузер со преку 3.700 патници е ставен во карантин, бидејќи на него патувала личност за која се потврди дека е заразена со коронавирусот, а потоа е утврдено дека има десетина зараезени лица, објави министерството за здравство на Јапонија.

Прегледите започна вчера за околу 3.700 патници и членови на екипажот на крузерот.