Уште четири илјади Германци заразени со Ковид – 19 ќе го тужат Ишгл
Питер Колба, поднесе пријава до Обвинителството во Тирол, кое мора да го испита случајот и да одлучи дали постои основа за обештетување на засегнатите.
Околу 4.000 германски туристи кои се заразиле со коронавирусот се приклучија кон тужбата на Здружението за заштита на потрошувачи (ВСВ) против австрискиот скијачки центар Ишгл.
На властите на Ишгл и на покраината Тирол им се забележува дека свесно реагирале доцна на избувнување на инфекција на коронавирус и дека се обиделе да ја прикријат опасноста за да ја продолжат сезоната на скијање.
Претседателот на ВСВ, Питер Колба, поднесе пријава до Обвинителството во Тирол, кое мора да го испита случајот и да одлучи дали постои основа за обештетување на засегнатите.
Колба потенцира дека имало финансиски и политички мотиви да се одложи, што е можно повеќе, прекинот на сезоната на скијање.