УС Опен: Во полуфиналето пресметка на две мајки, Тим обезбеди пресметка со Медведев

epa08657766 Victoria Azarenka of Belarus hits a return to Elise Mertens of Belgium during their Quarterfinals match on the tenth day of the US Open Tennis Championships the USTA National Tennis Center in Flushing Meadows, New York, USA, 09 September 2020. Due to the coronavirus pandemic, the US Open is being played without fans and runs from 31 August through 13 September. EPA-EFE/JASON SZENES

Серена Вилијамс и Викторија Азаренка ќе играат меѓу себе во полуфиналето на УС Опен.

Азаренка продолжува со одличните игри и по триумфот на Мастерс Синсинати, обезбеди пласман во полуфиналето на УС Опен по убедливата победа над Елиз Мертенс со 6:1,6:0.

Белоруската тенисерка работата ја заврши за 73 минути и според прикажаното потсети на најдобрите денови од нејзината кариера кога беше и најдобра светска тенисерка. Ова ќе биде прво полуфинале за Азаренка од 2013 година кога стана вицешампионка.

УС Опен: Заврши бајката на Пиронкова, Вилијамс со пресврт до полуфинале! (ВИДЕО)

Токму таа година, но и претходната 2012 година, Азаренка во финалето на УС Опен, губеше од Серена Вилијамс. Интересно е што новата пресметка помеѓу Серена и Азаренка добива ново поглавје во нивното ривалство бидејќи и двете се мајки. Во досегашните пресметки, Серена Вилијамс убедливо води со 18:4 во победи.
Во второто полуфинале во женска конкуренција ќе се сретнат Наоми Осака и Џенифер Брејди.

Во машка конкурнција, вториот носител Доминик Тим во полуфиналето ќе игра против Данил Медведев.

Тим во три сета со 6:1,6:2,6:4 го победи Алекс де Минор од Австралија и за прв пат ќе игра во полуфиналето на УС Опен каде го очекува Русинот Данил Медведев кој дотука дојде без загубен сет.

Медведев без загубен сет полуфиналист на „УС Опен“! (ВИДЕО)

Во второто полуфинале ќе играат Пабло Карењо-Биста и Александер Зверев, а дуелите се закажани за утре навечер.

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот