Австрискиот тенисер се пласираше во осминафиналето откако после два и пол часа игра триумфираше со 3:1 против Марин Чилиќ. Доминик Тим, вториот носител на „УС Опен“, во третото коло го елиминираше хрватскиот претставник со 6:2, 6:2, 3:6 и 6:3.

Чилиќ успеа да освои сет, прв кој Тим го загуби од почетокот на грен слем турнирот, но Австриецот беше тој кој доминираше и рутински дојде до нова победа.

Во борбата за учество во четвртфинале, Тим ќе игра против Канаѓанецот Феликс Оже-Алиасим (15. носител) кој претходно убедливо со 6:1, 6:0 и 6:4 го совлада Французинот Муте.

Американецот Тиафо славеше против Фучович од Унгарија (6:2, 6:2, 6:2), додека италијанскиот натпреварувач Беретини со 3:0 (6:4, 6:4, 6:2) го исфрли Руд (Норвешка).

Денеска продолжуваат возбудувањата на грен слем турнирот во САД, првиот светски рекет Новак Ѓоковиќ (Србија) од 20.00 часот по македонско време ќе игра против Шпанецот Карењо-Буста, претходно од 18.30 часот Давидович Фокина ќе ги одмери силите против Зверев, а од 23.00 часот Чориќ ќе игра со Австралиецот Томпсон. Програмата наредниот ден се очекува да ја затворат Шаповалов и Гофан (01.00 часот).

УС Опен 2020

Мажи, осминафинале (двојки):

Ѓоковиќ (Србија)-Карењо Буста (Шпанија)
Шаповалов (Канада)-Гофан (Белгија)
Чориќ (Хрватска)-Томпсон (Австралија)
Давидович Фокина (Шпанија)-А. Зверев (Германија)

Беретини (Италија-Рубљев (Русија)
Тиафо (САД)-Медведев (Русија)
Поспишил (Канада)-Де Минаур (Австралија)
Оже Алиасим (Канада)-Тим (Австрија)

УС Опен: Медведев експресно во осминафиналето, Поспишил го шокира Баутиста Агут