Не само што дојде до откажување на „Вимблдон“ и одложување на „Ролан Гарос“, тенисот би можел наскоро да претрпи нова голема промена поради пандемијата на коронавирусот.

Како што пренесува „Марка“, грен слем турнирот „УС Опен“, нема да се организира во Њујорк каде и традиционално се играа досега мечевите.

Најголемиот тениски комплекс во САД, њујоршкиот „Национален тениски центар САД Били Џин Кинг“ е претворен во болница поради пандемијата на коронавирусот.

Таму сега се поставени 450 кревети за заразените лица, додека околу 25.000 илјади луѓе во тој комплекс доаѓаат за да се хранат.

REPORTS: US Open 2020 To Be Relocated To California https://t.co/ndAnwtet3q pic.twitter.com/LJOkoo7Wvm

— EssentiallySports (@sports_ess) April 25, 2020

– Имајќи го во предвид бројот на инфицирани во Њујорк, „УС Опен 2020“ тешко дека ќе се одржи во „Големото јаболко“ – пишува „Марка“ и додава:

– Четвртиот грен слем би можел да биде преместен во Калифорнија, каде што се одржува вториот најголем турнир во САД, „Индијан Велс“ кој беше првиот откажан турнир во тенисот поради пандемијата. Инаку Калифорнија има тениски комплекс кој се состои од 29 терени на тврда подлога (какви што се користат и во Њујорк), а централниот терен има трибини за околу 16.100 гледачи, што го прави втор најголем тениски стадион на светот.

Почетокот на „УС Опен“ е закажан за 31 август, а дали навистина ќе биде одржан 3.789 километри подалеку од Њујорк, останува за тоа да одлучат првите луѓе на тенисот во САД во соработка со АТП и ВТА.