„УС Опен“ мора да биде откажан!?
Поранешниот француски тенисер и легенда на овој спорт Анри Леконт смета дека „УС Опен„ мора да биде откажан, затоа што многу играчи не можат да играат во Њујорк.
УС Опен е закажан за август по Синсинати и Вашингтон, но прашање е колку играчи ќе играат на грен слем турнир заради тешкиот распоред направен за месец и половина каде има два гренд слема и неколку турнири во Мастерс серијата.
Рожер Федерер веќе откажа, чичко на Рафаел Надал, Тони рече дека распоредот е луд, а против истиот е и Енди Мареј, а Беноа Пер веројатно ќе откаже, а тоа им одговара најмногу на Американците како Сем Квери или Тенис Сандгрен.
– УС Опен не е можен и треба да биде откажан. Не мислам дека многу играчи ќе одат таму. Прво од здравствени причини, пандемијата е далеку од завршена. А потоа и затоа што не можете да играте на Гренд слем зад затворени врати. Јас дури и не можам да замислам како би била атмосферата – вели Леконт за „Оуест Франс“
Тој посочи дека гледањето натпревари на академијата Муратоглу нема ист шарм. Постојат технички услови, но не и вистински.
– Мора да престанеме постојано да бараме повеќе. Време е да се направи нов модел и да се вратиме на поедноставни и поздрави работи. Да се повториме. АТП и ВТА би можеле да се обединат и да направат заеднички турнири што би привлекле повеќе луѓе. Исто така, би можело и да се размислува околу тоа турнирите повеќе да се врзуваат географски за да се избегнат патувањата и да се дозволат трошоците да бидат малку амортизирани – предложи Леконт.