УС Опен: Ги нема Надал и Федерер, но тука е првиот светски рекет Ѓоковиќ!
Српскиот ас ќе се обиде да освои нова титула на грен слем турнирот во Њујорк, а претходно ќе се обиде да го покори и Синсинати како добра подготовка.
Во последните неколку недели имаше многу дилеми дали Новак Ѓоковиќ ќе учествува на „УС Опен“ поради ситуацијата со Ковид-19.
Најдобриот светски тенисер на крајот одлучи да биде дел од УС Опен каде што нема да партицираат едни од неговите најголеми конкуренти за највисок пласман, Рафаел Надал и Рожер Федерер.
Тренерот на втората тенисерка на светот Симона Халеп, Дарен Кејхил е сигурен дека Србинот ќе биде на најдобро можно ниво.
–Ѓоковиќ одлично стартуваше оваа година и мислам дека ќе биде во добра форма на УС Опен. Во ред, ги нема Надал и Федерер, но тука е Ѓоковиќ. Доколку се вратите неколку години наназад, ќе видите дека на голем број турнири во 2016 и 2017 година ги немаше Надал, Федерер, Вавринка, Дел Потро, Раониќ…Постојат многу играчи кои недостасуваа на големите турнири, и турнирите се одржуваа – рече Кејхил во разговорот за „Вајд Ворлд оф Спортс“.
Синсинати ќе започне в сабота и ќе трае до 28 август, а три дена подоцна стартува од 31 август и е планирано да заврши на 13 септември 2020 година.
– Рекордите ќе покажат дека ќе имаме шампион. Историјата ќе каже дека ќе се смета на сè – додаде Кејхил.