Урсула Фон дер Лејн кандидатката за претседател на Европската Комисија во својот говор ги презентираше темите што како приоритети ги има доколку биде избрана за оваа висока функција. Таа денеска се заложи за посилна улога на ЕУ во борбата против климатските промени, за постигнување социјална правда и еднаквост, владеење на правото и поефикасна надворешна политика на ЕУ, нагласувајќи дека нејзината цел е обединување и зајакнување на Европа.

Проширувањето на ЕУ не беше споменато ниту еднаш иако претходните денови, одговарајќи на пратенички прашања, таа порача дека Северна Македонија и Албанија треба да започнат преговори за членство во ЕУ.