Црногорска реклама преку која се укажува на значењето на почитувањето на превентивните мерки против Ковид-19 стана вистински хит на интернет.

Во видеото гледаме црногорско семејство додека руча на маса пред куќата, а баба со визир плете покрај нив.

Мајката и ќерката му кажуваат на таткото за новото момче на нивната ќерка, а мајката го фали: „Од добра куќа, многу убав човек, правилно ја носи маската, ги мие и ги дезинфицира рацете“.

Потоа, ќерката му покажува на својот татко слика на еден млад човек со маска и тој коментира: „Убав е, но не дозволувај да ти се приближи поблиску од два метра“.

На крајот на рекламата е прикажана романтична вечер во автомобилот, а кога момчето ќе ја тргне маската и ќе се приближи кон девојката, таа го прска со средство за дезинфекција, по што се открива дека зад маската воопшто не е девојка, туку нејзиниот маскиран татко.

Промотивното видео се појави на „Јутјуб“ и за само два дена има над 100.000 прегледи, а се наведува дека е снимено под покровителство на Светската здравствена организација.

Погледнете: