Ураганот Бери ќе удри на Луизијана и Тексас – Слободен печат
ВестиПланета

Ураганот Бери ќе удри на Луизијана и Тексас

Метеоролозите велат дека бурата би можела да премине во ураган до крајот на денот, а просечната брзина на ветрот е околу 55 киломери на час.

Тропската бура која се формира над Мексиканскиот Залив би можела да прерасне во ураган и да го погоди Њу Орлеанс кој е веќе поплавен.

Метеоролозите велат дека бурата би можела да премине во ураган до крајот на денот, а просечната брзина на ветрот е околу 55 киломери на час.

Според прогнозите, денеска и утре во западниот дел на Тексас и во Луизијана се очекува да наврнат меѓу 25 и 30 сантиметри дожд.

Тропската бура, за која се очекува да стане ураган наречен „Бери”, би можела да удри западно од Њу Орлеанс на реката Мисисипи. Њу Орлеанс е веќе под вода поради поројните дождови претходните денови. Поплавен е и историскиот Француски кварт.

Тексас го подигна степенот на предупредување и подготвува центар за вонредни ситуации.

Превентивно се затворени една третина од постројките за преработка на сурова нафта во Мексиканскиот Залив, а нафтените платформи се евакуирани.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close