Ураганот Лоренцо денес стигна до Азорските острови донесувајќи обилен дожд, силни ветрови и високи бранови.

Според првичните извештаи, ураганот веќе направил помала штета, пренесува АП.

Според податоците на агенцијата за цивилна заштита на Азорските острови, ураганот од втора категорија срушил дрвја на патиштата и бројни домови оставил без струја.

Comencen a arribar imatges de s´Huracà #Lorenzo https://t.co/J5C2REomoO

— Meteo Menorca (@Meteo_Menorca) October 2, 2019

Се наведува дека јачината на овој ураган кој се движи кон Ирска и Велика Британија со сила од 145 километри на час е многу ретка во овој дел од Атлантикот.

Поедини градови на англискиот брег веќе се евакуирани, а издадено е и предупредување за силен ветер и дожд, како и за можни поплави.

Португалскиот премиер Антонио Коста изјави дека утрово разговарал со официјалните лица на Азорските острови, како и дека констатирале дека се укажува на тоа дека „работите не се толку лоши колку што стравувале“.

Hurricane #Lorenzo will impact the Azores over the next 24 hours ?

It has been record breaking, the strongest hurricane recorded this far east in the Atlantic. However, it won’t be a hurricane when it impacts the UK.

Here are the details ? pic.twitter.com/a6FzinTgpx

— Met Office (@metoffice) October 1, 2019

Азорските острови опфаќаат девет вулкански острови и на нив живеат 250.000 жители.

Додека Лоренцо се приближуваше, на нив беше прогласен црвен аларм, а училиштата и владините канцеларии не работеа, додека на луѓето им беше советувано да не излегуваат надвор.

Откажани се и сите авионски летови од и кон архипелагот, а затворени се и поедини пристаништа.