Иако Манчестер јунајтед загуби на „Олд трафорд“ и остана на петтото место со шест бода помалку од четвртопласираниот Челси, управата не размислува за смена на менаџерот Оле Гунар Солскјер, објави „Скај спорт“.

Екипата на Јунајтед под водство на Солскјер има најлош скор по 24 кола во Премиер лигата од сезоната 1988-89, а за работата да биде полоша поразот од Барнли е прв од овој тим на „Олд трафорд“ по дури 58 години.

Според „Скај спорт“, позицијата на Солскјер не е доведена во прашање, напротив тој ќе добие средства за до крајот на зимскиот преоден рок да ја засили екипата.

Како најверојатно засилување е 16-годишниот играч на Бирмингем Џад Белингам за кого Јунајтед е подготвен да плати неверојатни 30 милиони фунти, додека трансферот на Бруно Фернандеш од Спортинг Лисабон се чини дека пропадна поради преголемите барања на португалскиот клуб.