Унгарскиот парламент го реизбра Орбан за премиер

Виктор Орбан
Виктор Орбан / EPA-EFE/STEPHANIE LECOCQ

Унгарските пратеници денеска го реизбраа лидерот на партијата Фидес, Виктор Орбан, на функцијата премиер, на која тој се наоѓа од 2010 година, а за неговиот избор „за“ гласаа 133 пратеници додека 27 беа „против“, пренесе агенцијата МТИ.

По гласањето, Орбан веднаш положи заклетва и ја презеде функцијата.

Кабинетот на унгарскиот премиер претходно соопшти дека Орбан ги завршил преговорите за формирање на новата влада, во која многу министри ќе ги задржат своите фотелји.

Орбан кажа дека има изгледи за доаѓање на „ера на рецесија” во Европа, бидејќи континентот се бори со зголемени цени на енергијата и високата инфлација поради војната во Украина.

Говорејќи во парламентот, каде што ја положи заклетвата како премиер, Орбан кажа дека Будимпешта нема да ги блокира санкциите на ЕУ наметнати за Русија поради нападот врз Украина се додека тие не претставуваат ризик за енергетската безбедност на Унгарија.

Унгарскиот премиер, исто така, додаде дека владата ќе работи на ограничување на инфлацијата во земјата, преземајќи внимателни чекори за регулирање на цените.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот