Унгарецот Милак собори светски рекорд на Фелпс

Младиот унгарски пливач Криштоф Милак финалната трка на 200 метри ја исплива во време од 1:50.73 минути со што го освои златниот медал и го собори рекордот на легендарниот Мајкл Фелпс кој го постави пред 10 години во Рим и изнесуваше 1:51.51 минути.

Унгарецот е првиот тинејџер кои станал светски шампион уште од Мајкл Фелпс кој имаше 18 години кога триумфира на трката на 200 метри делфин.
Второто место и сребрениот медал го освои Јапонецот Даија Сато, додека бронзениот медал го освои Чад ле Крос од Јужна Африка.

Одличен настап на Светското првенство во пливање кое се одржува во Јужна Кореја,  имаше и Италијанката Федерика Пелегрини. Искусната 30-годишна Пелегрини го освои златниот медал во дисциплината 200 метри слободен, и по четврти пат го освојува златниот медал во оваа дисциплина. Таа победи со време од 1:54.22 минути, пред Аријарна Титмус од Австралија и Швеѓанката Сара Сјостром.

Светски шампиони станаа уште и Британецот Адам Пити на 50 метри градно, Италијанецот Грегорио Палтриниери на 800 метри слободно, додека во штафетната трка на 4х100 метри мешано триумфираа пливачите од Австралија.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот