Унгарците открија, Николов се сели во Серија А!? (ФОТО)
Унгарскиот веб портал „csakfoci.hu“ објави колку тамошните фудбалски екипи се активни на трансфер пазарот пред натпреварите во новата сезона.
Во сите екипи се објавени новите летни засилувања, како и заминувања, а кога сме веќе кај нив истиот извор го открива следниот клуб на македонскиот репрезентативец Бобан Николов.
Нашиот фудбалер досега ги бранеше боите на Мол Фехервар чиј дрес го носи веќе три години. Во оваа екипа игра уште еден наш репрезентативец, Висар Муслиу.
26-годишниот играч од средниот ред Николов претходно беше дел и од Вардар и романскиот клуб Вииторул.
Важечкиот договор му истекува на 30 јуни 2021 година, а според унгарскиот медиум екипата на Џенова ќе биде новиот клуб на Николов.
Џенова успеа да обезбеди опстанок во Серија А, во нејзините редови настапува Горан Пандев.