Висар Муслиу, 24-годишниот одбранбен играч потпиша договор со МОЛ Фехервар, среќен што му се придружува на овој клуб. Претходно и Шкендија го потврди трансферот…

– Во изминатиот период собирав информации околу тимот, вклучувајќи го и Бобан Николов, кого го познавам скоро 10 години, една и пол година заедно во Вардар. Но, долго време сме соиграчи, како и во националниот тим. Ми се допаѓа градот и МОЛ Арената е одлична и на која едвај чекам да настапувам – вели Муслиу.

Sok sikert a Vidiben, Visar! #vidi #molfehervarfc #musliu https://t.co/0KgikAbyow

— MOL Fehérvár FC (@MOLFehervarFC) August 5, 2019

Спортскиот директор на клубот, Золтан Ковач вели дека долго време ги гледале перформансите на Муслиу и чувствуваше дека тој сака да дојде во екипата.

– И покрај тоа што е млад, има искуство. Разговорите околу неговиот трансфер беа подолги, бидејќи неговиот претходен клуб не сакаше да го пушти од летните подготовки за настапот во еврокуповите – рече Золтан.