2 C
Скопје

УНЕСКО: Речиси 260 милиони деца немале пристап до училиште во 2018 година

Речиси 260 милиони деца во светот немале пристап до училиште во 2018 година, се наведува во денеска објавениот извештај на УНЕСКО, додавајќи оти пандемијата со Ковид-19 влијае врз сиромаштијата и дискриминацијата.

Во извештајот се наведува дека децата од посиромашните заедници, како и девојчињата, лицата со хендикеп, имигрантите и припадниците на етничките малцинства, се наоѓаат во понеповолна положба во споредба со образованието во голем број земји.

Околу 258 милион деца и млади во 2018 година биле целосно исклучени од образовниот процес, а сиромаштијата е основната бариера за пристап до училиштата. Тоа претставува 17 проценти од децата на училишна возраст, а поголемот број од нив се од Јужна и Централна Азија и Африка и субсахарска Африка, се посочува во извештајот на УНЕСКО.

Прочитајте и...  Валков: Минимум 2,5 милиона Бугари прележаа ковид-19

Oрганизацијата за oбразование, наука и култура на ОН наведува и дека разликите се продлабочија поради пандемијата со новиот коронавирус, бидејќи 90 отсто од училиштата во светот се затворија, а милиони деца не се во можност да следат настава преку комјутер, мобилен телефон.

– Лекциите од минатото, на пример како еболата, покажа дека здравствените кризи влијаат врз најсиромашните девојчиња, кои повеќе не се враќаат во училиште, истакна генералната директорка на УНЕСКО, Одри Азуле.

Во извештајот се наведува дека во земјите со ниски и средни приходи, адолесцентите од најбогатите 20 отсто од домаќинствата имаат трипати поголема веројатност да го завршат првиот дел од средното училиште до 15-годишна возраст во споредба со сиромашните деца. Додека децата со посебни потреби имаат 19 проценти помалку можности да го достигнат минималното образовно ниво во 10 од овие земји.

Прочитајте и...  Заев на средба со раководството на „Витило": Следува нова инвестиција од 10 милиони евра

УНЕСКО истакнува дека во 20 сиромашни земји, главно во субсахарска Африка, речиси и да нема девојчиња од руралните срединиво училиштата.

Во САД, учениците од ЛГБТИ семејства имаат речиси три пати поголема веројатност да останат дома наместо да одат на училиште затоа што се чувствуваат несигурни.

Во две африкански држави сè уште е забрането бремени девојчиња да се образуваат, а во 117 земји дозволени се детски бракови, а 20 држави сè уште не ја ратификувале Меѓународната конвенција за забрана на детски труд.

Според УНЕСКО, околу 335 милиони девојчиња посетувале училишта во кои немало санитарни услови.

Во извештајот на УНЕСКО се посочува и дека во неколку земји од Централна и Источна Европа се сегрерираат  ромските деца во редовните училишта. Сегрегацијата е забележана и во Азија, пред се на бегалците Рохинџи.

Прочитајте и...  245 санкционирани возачи во Скопје, 39 за брзо возење, 35 без возачка

Многу земји сè уште практикуваат сегрегација на образованието, што ги зајакнува стереотипи, дискриминација и отуѓување, се наведува во извештајот.

Додека само во 41 земја официјално се признава знаковниот јазик, а училиштата ширум светот повеќе сакаат да пристапат на интернет отколку да се грижат за учениците со посебни потреби.

УНЕСКО апелира до државите да се фокусираат на децата во неповолна положба кога повторно ќе се отворат училиштата, што беа затворени поради пандемијата.

– За да се соочиме со предизвиците на нашето време, императив е да се премине на поинклузивно образование. Ако тоа не го направиме ќе биде спречен развојот на општествата, посочи Азуле.

Поврзани вести

Турција во февруарска офанзива против Даеш и ИСИС приведе 165 осомничени за тероризам

Слободен печат

Израел крои планови како да ги заштити од апсење офицерите од војната во 2014 година

Цунами од потресни снимки од ужасот во Нов Зеланд ги преплави социјалните мрежи

Слободен печат

Повторно ставена во функција модуларната болница во Клиничкиот центар

Слободен печат

Ужасен напад во Црна Гора: Насилници врежаа крст на градите на ЛГБТ лице и му ги повредија гениталиите

Слободен печат

Филипче: Во текот на овој месец ќе почне имунизацијата на населението

Слободен печат

Остави Коментар