Уморниот Надал се повлече од Синсинати
Рафаел Надал во неделата ја освои рекордната 35. титула на мастерс турнирите, откако по петти пат во кариерата триумфираше на Роџерс купот.
Надал во финалето со убедливи 6:3,6:0 го победи Русинот Данил Медведев и по прв пат успеа да одбрани титула на тврда подлога.
Навивачите во Синсинати ќе останат разочарани бидејќи нема да можат го следат Надал кој одлучи да се повлече од турнирот кој започна денеска. Причината за отказот е желбата на Надал да одмори и подобро да се подготви за последниот гран слем турнир годинава, УС Опен кој започнува на 26 август.
World No.2 Rafael Nadal, our 2013 champion, has withdrawn from #CincyTennis citing fatigue.
Bianca Andreescu has also withdrawn due to a change in schedule. We wish you both the best and hope to see you next year. pic.twitter.com/lVQmgVmeqb
— Western & Southern Open (@CincyTennis) August 12, 2019
За разлика од Надал, во Синсинати ќе учествуваат Новак Ѓоковиќ и Рожер Федерер кои пак го пропуштија турнирот во Монтреал.