Англискиот премиерлигаш Манчестер Јунајтед му постави ултиматум на Кристијано Роналдо со кој бара да го промени ставот или во спротивно ќе му биде раскинат договорот, пишува „Скај Спортс“.

Роналдо наместо со игрите, тој вниманието на спортската јавност го привлекува со своето однесување, не се појави на почетокот од подготовките на Јунајтед поради „лични проблеми“ и притоа побара да биде продаден во друг тим кој ќе игра во Лигата на шампионите, но не му беше исполнета желбата.

Португалецот се врати во тимот, натпреварот со Брајтон го започна од клупата, додека против Брентфорд беше стартер. Сепак, со своето однесување кога тимот губеше, го навлече гневнот на соиграчите.

Роналдо често се лути на соиграчите, негодува на нивните одлуки и не ги поддржува кога не им оди. Управата одлучи да стави крај на таквото однесување и му постави ултиматум, му порача да го промени ставот или ќе добие отказ пред крајот на преодниот рок.