Улицата „Александар Урдаревски” во Бутел доби нов асфалт

Улицата „Александар Урдаревски” во Бутел 1 доби нов асфалт, информираат од Општина Бутел.

– Сообраќајницата која е „крвотокот” на овој дел од Општината Бутел, доби комплетно нов асфалт, од потегот на семафорите, преку подвозникот, до кружниот тек, велат од Општината.

Градоначалникот Велимир Смилевски, заедно со директорот на ЈП „Улици и патишта”, Горан Симоновски, денеска извршија увид на работите коишто се во финална фаза на оваа сообраќајница.

– Заедно со ЈП „Улици и патишта” создаваме услови за подобра инфраструктура за бутелчани и за поурбан изглед на Бутел, рече градоначалникот Смилевски.

Изведувач на реконструкцијата на сообраќајницата којашто е една од најискористените во овој дел од главниот град е ЈП „Улици и патишта” – Скопје.

Извор: МИА