Украинскиот претседател Володимир Зеленски објави дека оздравел од коронавирусот.

„Конечно имам негативен резултат на коронавирус“, објави Зеленски на Фејсбук два дена откако го доби првиот позитивен тест.

Зеленски (42) на видео-снимка објави дека се враќа во канцеларија. Шефот на украинската држава рече дека имал само благи симптоми, а после самоизолацијата поминал некое време во државната клиника.

„Мораме да се заштитиме што е можно повеќе со носење на медицински маски, одржување на физичка дистанца, земање витамини и изолирање на пациентите“, рече тој.

Неколку украински министри исто така се заразија во последните неколку недели. Украина, земја со 40 милиони луѓе, забележа голем раст во последните недели со десетици илјади новозаразени дневно.

Земјата е на раб на здравствена катастрофа, предупреди на почетокот на ноември, министерот за здравство Маким Степанов. До денеска во Украина се потврдени 653.442 заразени, од кои 11.423 починаа.