Украина во четвртокот ја продолжи исцрпувачката кампања за враќање на територијата во близина на разурнатиот град Бахмут, која е под контрола на Русија,

Украинската армија соопшти дека им нанесла големи загуби на руските сили на јужниот фронт,

Украинските извештаи укажуваат на тешки борби во многу делови од источниот фронт, но нема нови детали за резултатот од тримесечната контраофанзива.

Напредокот на Украина е многу побавен од успехот што го постигна минатата година во враќањето на територијата на североистокот во делот на Херсон.

Претседателот Володимир Зеленски и другите официјални лица во Киев ги отфрлија тврдењата на западните критичари кои велат дека тримесечната офанзива е премногу бавна и попречена од стратешки грешки.

Руското Министерство за одбрана соопшти дека нивните сили одбиле осум напади на исток во жестоките судири јужно од градот Бахмут.

Портпаролката на украинската министерка за одбрана, Хана Малиар, соопшти дека украинските сили напредуваат во реонот на три села јужно од Бахмут – меѓу кои и Андреевка. Таа првично објави дека Андреевка била ставена под украинска контрола, но подоцна дермантираше бидејќи, како што рече борбите се уште траат.

Руските сили го зазедоа Бахмут во мај годинава по неколкумесечни борби кои го оставија градот во урнатини. Оттогаш, украинските сили ги напаѓаат руските позиции, особено јужно од Бахмут.

На јужниот фронт, каде што украинските сили се фокусираа на заземање група села во офанзивата кон Азовското Море, руските трупи претрпеа „значителни загуби“ што ги „намалија нивните одбранбени способности“, тврди Киев