Руски суд го осуди украинскиот државјанин А.В. Марченко на 10 години затвор за шпионажа, откако го прогласи за виновен за обид за продажба на резервни делови за ракетен систем земја-воздух, соопшти денеска руската служба за безбедност на ФСБ.

ФСБ изјави дека пресудата против Марченко, е донесена од Регионалниот суд во Краснодар, во јужна Русија, и стапи на сила откако беше потврдена од Апелацискиот суд, пренесе Тасс.

Односите меѓу Москва и Киев се влошени од 2014 година, а тензиите се зголемија во последните неколку недели поради акумулацијата на руските воени сили во близина на украинската граница. Москва, која соопшти дека е дел од воена вежба, минатата недела соопшти дека започнала со враќање на трупите во нивните бази, наведуваат британските медиуми.