Украинската армија трпи „болни загуби“ во источниот регион Донбас и другите области на фронтот во Украина, рече претседателот Володимир Зеленски во видео-обраќање доцна во ноќта.

Тој нагласи дека на Украина и е потребно модерно противракетно оружје за да ја одбрани својата територија.

Зеленски, исто така, рече дека очекува инспекции на логистиката во армијата поради извештаите дека некои украински војници немаат доволно лична заштитна опрема.

Тој рече дека е од витално значење да се брани Донбас, бидејќи тоа ќе биде „клучно за одредување кој ќе доминира во наредните недели“.

„Колку повеќе загуби претрпи непријателот таму, толку помалку ќе имаат моќ да ја продолжат агресијата“, рече Зеленски.

Тој рече дека иако најжестоките борби се во Северодонецк и во сите градови и заедници во близина, „загубите, за жал, се болни – но мора да се одржиме, ова е нашата држава“.