Украина сака да биде еден од домаќините на Светското фудбалско првенство во 2030 година?!
Украина би можела да го организира Светското првенство во фудбал во 2030 година, пренесува британскиот „Тајмс“.
Шпанија и Португалија сакаат заедно да бидат домаќини на Мундијалот во 2030 година, а последните информации велат можно е да се организираат и натпревари во Украина.
Претставниците на фудбалската федерација на Шпанија и Португалија ќе го претстават ова партнерство во среда во просториите на УЕФА, а нивниот предлог ќе се базира на идејата дека фудбалот може да ја врати надежта и мирот во светот.
Украина, наводно, е подготвена да им се приклучи на Шпанија и Португалија, а официјална потврда се очекува во среда. „Тајмс“ пишува дека кандидатурата ја дозволуваат украинскиот претседател Владимир Зеленски, како и националните влади на Шпанија и Португалија.
Шпанија и Португалија очекуваат голема придобивка од учеството на Украина во нивната кандидатура во однос на добивање гласови меѓу 211 членки на ФИФА, кои одлучуваат за прашањето за организација на Светското првенство во 2030 година. Ова ќе биде начин за нив да обезбедат дел од гласовите на неевропските земји, со што ќе се спротивстават на кандидатурата на Саудиска Арабија, Египет и Грција. Украина би добила дополнителен публицитет и поддршка за организацијата на натпреварувањето.
Exclusive: Ukraine to join Spain and Portugal’s bid for 2030 World Cup.
Announcement due on Wednesday.https://t.co/H87rDb7qp6
— Martyn Ziegler (@martynziegler) October 3, 2022
