Украина подготвува „жестоки контрамерки“ како одговор на руското бомбардирање на линијата на фронтот, изјави синоќа украинскиот претседател Володимир Зеленски, додавајќи дека овие напади ќе бидат значително посилни од оние што Украина претходно ги изведе против руските сили.

Изјавата на Зеленски доаѓа по одлуката на Вашингтон за производство на моќно оружје наменето за потребите на украинската армија Американската војска вчера додели договор вреден 1,2 милијарди долари за шест напредни ракетни системи земја-воздух за Украина, соопшти Пентагон.

Во меќувреме од Самопрогласената Луганска народна република обвинија дека украинските војници истрелале три ракети HIMARS MLRS кон Сватово, град во регионот на Луганск за кој западните разузнавачи велат дека би можел да биде клучна точка и една од најважните битки на истокот во наредните денови.

Според последните извештаи од Крим, украинскиот полуостров анектиран од Русија во 2014 година, се поголем број Руси ги продаваат своите куќи и викендички, плашејќи се дека конфликтот ќе се прошири во тој регион. Во исто време, сега е во тек подготовката на субверзивни партизански групи, кои планираат да ја преземат контролата над полуостровот во наредните месеци.