Украден пиштолот од легендарните серијали за „Џејмс Бонд“!
Големата кражба се случила на приватниот имот Алдерсбрук во северната страна на Лондон, на 23 март понеделник.
Поточно станува збор за 5 пиштоли кои се користени во продолженијата на легендарниот серијал „Џејмс Бонд“, а полицијата упатила апел и молба до граѓаните да им се јават доколку имаат било каква информација за кражбата.
Како што изјавуваат, веќе имаат добиено неколку корисни податоци.
Комшиите во понеделникот вечерта слушнале бука, кога 3 мажи избегале од имотот во сребрен автомобил. За жал, комшиите не успеали да ја запомнат регистрацијата, а ги опишале како белци со источноевропски нагласок.
Британската полиција верува дека крадците влегле од задниот влез, а како мотив за кражбата наведуваат две можности.
1. Пари, со оглед на тоа дека се проценува вредноста на пиштолите околу 100.000 евра на пазарот.
2. Опседнатост на данови на филмовите и желба да ја пополнат својата колекција.
Станува збор за пиштолот„Walther PPK“ кој е користен во продолжетокот „A View to a Kill“ од 1985 година, две Берети кои се појавија во „Die Another Day“ од 2002 година.
Украдена е и Llama 95 која се користи во истиот филм.
„Разбирам дека идеш да ограбиш банка, бидејќи ти требаат пари, но да украдеш пиштол од филмот не ми е јасно. Јас не би се закачал со Џејмс Бонд“, гласи еден од коментарите на Твитер.