Укината забраната за користење на дронови во Шри Ланка

Дрон/ Фото: ЕПА

Укинувањето на забраната уследи по барањето на медиумските институции, странци, снимателите и фотографите на свадби и реклами.

Властите на Шри Ланка денеска ја укинаа забраната за користење на беспилотни летала, што беше воведена по терористичките напади за време на Велигден минатата година, при што загинаа 263 луѓе.

Укинувањето на забраната уследи по барањето на медиумските институции, странци, снимателите и фотографите на свадби и реклами.

И покрај анулирање на забраната, операциите на беспилотните летала и понатаму ќе бидат забранети во безбедносните и зоните со ограничено летање. Сите цивилни оператори на дронови ќе мора да добијат дозвола од Министерството за одбрана.

Беспилотни летала во Шри Ланка беа забранети во мај минатата година поради безбедносни проблеми, еден месец откако седум бомбаши-самоубијци од локалната муслиманска група Нешонал Товхид Џамат нападнаа три цркви и три луксузни хотели, при што загинаа 263, а повредени беа над 500 луѓе.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот