Укинат полицискиот час во БиХ

Федералниот штаб за цивилна заштита донесе на денешната седница наредба за укинување на полицискиот час во БиХ, а одлуката стапува на сила уште од денес.

Федералниот министер за внатрешни работи, Аљоша Чампара пред неколку дена упати Предлог за укинување на Наредбата за забрана на движење на граѓаните (полициски час) на подрачје на Федерацијата БиХ.

Полицискиот час во БиХ беше воведен на 21 март на препорака на министерот Чампара како дел од мерките поврзани со превенција на ширењето на коронавирусот.

На граѓаните без дозвола им беше забрането движењето од 20 до 05 часот.