Ведро и особено студено ќе биде времето во утринските часови до среда и ќе биде проследено со слаб до умерен северен ветер, информираат од УХМР.

Од среда ќе почне да дува јужен ветер, а од запад ќе се зголеми облачноста и температурите ќе бидат во пораст.

Во четврток преку ден во западите делови и на планините ќе има услови за појава на снег, а на пониските места понекаде ќе започне снег што подоцна ќе мине во дожд.

Во петок во западните делови се најавува дожд. Во сабота насекаде ќе има повремен дожд и ќе дува повремено засилен јужен ветер поради кој ќе започне побрзо топење на снегот.

Минималната температура во среда во Скопје ќе биде од -12 до -1 степен, а максималната ќе се движи од -2 до 8 степени. Во четврток минималата температура ќе биде од -7 до 0, а максималната од 2 до 9 степени.