Синоптичарите за денеска најавуваат сончево време со умерена облачност и утринска магла во одделни котлини. Ќе дува слаб до умерен ветер од јужен правец. Утринската температура ќе се движи од нула до 6 степени, а дневната од 13 до 22 степени.

Во Скопје слично време со слаб ветер од југоисточен правец и утринска температура до еден степен. Дневната температура ќе достигне до 16 степени.

Во деновите од викендот ќе се задржи стабилно и топло време со натпросечни дневни температури. По котлините во утринските и рани претпладневни часови ќе има појава на магла и ниска облачност. Ќе дува слаб до умерен ветер од јужен правец.

Од понеделник под влијание на влажен бран се очекува промена на времето со врнежи од дожд кои наместа ќе бидат поројни и ќе дува засилен јужен ветер. Повремени локални врнежи од дожд ќе има и во среда.