Европската фудбалска федерација (УЕФА) сериозно ја разгледува можноста да им дозволи на репрезентациите на претстојното Европско првенство да им дозволи да регистрираат повеќе од 23 фудбалери.
Причината за ова е реакцијата на неколку селектори меѓу кои најгласни се тие на Белгија, Италија и Франција (Мартинез, Манчини и Дешан), кои стравуваат дека поради коронавирусот би можеле да останат без неколку фудбалери додека трае првенството и притоа нема да може никој да ги замени.
„Предлогот е на маса. Сè уште ништо не сме одлучиле, но сигурно е дека ќе разговараме на оваа тема“, објавија од УЕФА.
Европското првенство треба да се одржи од 11. јуни до 11. јули во 12. различни градови низ Европа, а на него за прв пат во историјата ќе учествува и Македонија. Избраниците на селекторот Ангеловски првите два натпревари против Австрија и Унгарија ќе ги играат во Букурешт, а дуелот со Холандија треба да се игра во Амстердам.