УЕФА парично казни осум тима поради прекршување на финансискиот фер-плеј, следен чекор е исфрлање од Европа

УЕФА казни екипи како Спортинг Лисабон и Порто/ фото: EPA-EFE/JEAN-CHRISTOPHE BOTT

Европската фудбалска федерација (УЕФА) парично казни осум тима поради прекршување на финансискиот фер-плеј (ФФП) и најави можност за нивно исфрлање од европските натпреварувања за наредната сезона.

„Најзвучни“ имиња меѓу казнетите се португалските гиганти, Спортинг Лисабон и Порто. Актуелниот португалски шампион Спортинг е казнет со 250.000 евра, додека казната за Порто изнесува 300.000 евра.
Покрај нив, казнети се уште и Бетис, Астана, ЦСКА Софија, Клуж, Монс Калпе од Гибралтар и Сан Клара.
Сите казнети екипи имаат рок до 31 јанури 2022 година да ги платат долговите бидејќи во спротивно се соочуваат со забрана за учество во европските купови.

– Екипите се условно исклучени од следното натпреварување кое го организира УЕФА и за кое ќе обезбедат пласман, освен доколку до 31 јануари 2022 година не докажат дека ги исплатиле долговите – стои во соопштението на УЕФА.

Пред казна беа и АЕК Атина и Бешикташ, но грчкиот тим приложи гаранција дека ќе ги уплати парите во износ од 1,5 милиони евра, додека комисијата заклучи дека турскиот тим ги исполнил условите кои пред нив биле поставени, и нема да им бидат одземени 15% од наградите за учество на Лигата на шампионите оваа сезона.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот