УЕФА одложи два натпревари во Лигата на шампионите
Реванш мечевите Манчестер сити-Реал Мадрид и Јувентус-Лион официјално се одложени. Првично овие возвратни пресметки беа закажани за 17 март.
Манчестер сити со кратко соопштение потврди дека од УЕФА доби известување за одложување на мечот на „Етихад“ во кој требаше да го пречека Реал кој од четврток наутро е во карантин.
Одлуката мечот да се одложи е донесена во соработка со УЕФА откако Реал ја потврди информацијата дека играчите на тимот од Мадрид се во изолација откако што е потврдено дека еден кошаркар на Реал е позитивен на коронавирус.
Following the quarantine imposed on players of Juventus and Real Madrid, the following #UCL matches will not take place as scheduled.
??????? Manchester City – Real Madrid ??
?? Juventus – Olympique Lyonnais ??Further decisions on the matches will be communicated in due course.
— UEFA (@UEFA) March 12, 2020
Манчестер сити им испраќа најдобри желби на сите во Реал како во фудбалскиот, така и во кошаркарскиот клуб.
Потсетување дека на првите дуели, Сити славеше со 1:2 и е поблиску до пласман во четвртфиналето, а Лион брани 1:0 против италијанскиот шампион.
УЕФА најави дека правовремено ќе ги објави новите термини на реванш осминафиналните дуели Сити-Реал и Јуве-Лион.