Претходно УЕФа донесе одлука завршницата од ЛШ да се одржи само во еден град, Лисабон и тоа од 12. до 23. август, но состојбата се искомпликува бидејќи во Португалија постојано се бележи раст на бројот на заболени од коронавирус.

Засега УЕФА нема намера да се откаже од идејата сите четврфинални, полуфинални и финалето да се одржат во Лисабон на стадионите „Жозе Алвараде“ и „Луж“.

„УЕФА е во постојан контакт со Фудбалската федерација на Португалија и локалните власти. Се надеваме дека се ќе биде во ред и дека завршниот турнир ќе може да се одржи во Португалија. Засега немаме план Б, ја следиме состојбата и на дневна основа ќе се прилагодуваме доколку биде потребно“, изјави извор од УЕФА за „Лекип“.
Во четврфиналето и полуфиналето ќе се игра само по еден натпревар исто како и големото финале.

Досега пласман во четврфиналето обезбедија Атлетико Мадрид, Аталанта, Лајпциг и ПСЖ, додека преостанатите реванши од осминафиналето треба да се одиграат на 7. и 8. август, а во нив ќе играат:
Барселона – Наполи (1:1)
Манчестер сити – Реал Мадрид (2:1)
Баерн Минхен – Челси (3:0)
Јувентус – Олимпик Лион (0:1)