УЕФА идната недела ќе одлучува дали да го одложи Евро 2020
Европската фудбалска федерација (УЕФА) објави дека во вторник наредната недела ќе одржи состанок со сите земји членки на кој ќе биде позната иднината на сите домашни и меѓународни натпреварувања поради пандемијата на коронавирусот.
Денеска „Марка“ ексклузивно објави дека Лигата на шампионите и Лигата на Европа ќе бидат суспендирани, а се поголем број на земји членки на УЕФА бараат да бидат одложени бараж натпреварите од Лигата на Нациите, меѓу нив тоа го бара и ФФМ, што повлекува и евентуално одложување на Европското првенство.
Поради тоа УЕФА објави соопштение во кое најавува дека во вторник идната недела ќе има состанок со сите земји членки на кои ќе биде одлучена иднината на фудбалот во Европа.
„Со оглед на развојот на состојбата и ширењето на коронавирусот во Европа, како и на одлуката на Светската здравствена организација да прогласи пандемија, УЕФА ги повика претставниците на сите 55 земји членки заедно со управните тела на Европската клупска асоцијација и европските натпреварувања, како и претставници на ФИФПро, во вторник на 17. март да присуствуваат на состанок за да разговараме за одговор на пандемијата. Дискусијата ќе ги вклучува домашните и европските натпреварувања, како и Евро 2020“, стои во соопштението на УЕФА.
In the light of ongoing developments in the spread of Covid-19, UEFA has invited various stakeholders to discuss European football’s response to the outbreak.
Discussions will include all domestic and European competitions, including UEFA EURO 2020.
Full statement: ?
— UEFA (@UEFA) March 12, 2020