Европа на Светскотко првенство во Катар 2022 година ќе биде застапена со 13 репрезентации, десет ќе обезбедат директен пласман преку квалификациите, а три селекции ќе обезбедат виза на Мундијалот преку баражите кои ќе се играат по нов систем.

Во квалификациите ќе учествуваат 55 селекции од Европа кои ќе бидат поделени во 10 групи, од пет групи ќе бидат со по пет селекции, а во останатите пет групи ќе има шест репрезентации.

УЕФА мислеше и на уште еден момент, сака да избегне политички тензии и поради тоа забрани одредени репрезентации да бидат во иста група.

Така репрезентациите на БиХ и Србија нема да можат да бидат во иста група со Косово, репрезентацијата на Русија нема да може да игра ниту со Косово ниту со Украина. Шпанија не може да биде во иста група со Гибралтар, додека Ерменија не може да игра со Азербејџан.

Жрепката за одредување на групите за квалификациите ќе се одржи на 29 ноември годинава, а жрепката за Мундијалот ќе биде во април 2022 година.