Новото издание на Лигата на шампионите ќе започне подоцна од планираното поради пандемијата на коронавирусот но и бидејќи се уште не е завршена актуелната сезона.

УЕФА денеска потврди дека наредното издание на ЛШ ќе започне на 20. октомври, а финалето ќе се игра во Истанбул на 29. мај 2021 година.
Групната фаза ќе биде збиена од 20. октомври до 9. декември, а наредната година ќе се играат елиминациските фази.

Осминафиналето е предвидено да се игра од 16. февруари до 17. март, четвртфиналето од 6. до 16. април. Првите полуфинални натпревари ќе се играат на 27. април, а реваншите се закажани за 5. мај, додека финалето е на програмата на 29. мај и ќе се игра на „Ататурк“ стадионот.
Актуелната сезона ќе се доигра по скратен куп формат, ќе се игра по еден натпревар и тоа од 12. до 23. август во Лисабон.