УЕФА го најавува историскиот меч Грузија-Македонија
Се ближи денот (12 ноември 2020 година) кога нашата најдобра репрезентација ќе се бори за пласман на наредното Европско првенство. Македонската А селекција предводена од селекторот Игор Ангеловски се наоѓа на еден чекор од историски пласман на континенталните собири.
Европската фудбалска куќа ги најави финалните плеј-оф пресметки, а покрај Грузија-Македонија, за „билет“ на ЕП ќе се борат уште Унгарија-Исланд, Северна Ирска-Словачка и Србија-Шкотска.
Дуелот Грузија-Македонија ќе се игра во Тбилиси, победникот ќе игра во групата „Ц“ на Европското првенство заедно со Холандија, Украина и Австрија.
Јовановски: Доколку бидеме во прав состав, нашите шанси во Тбилиси ќе бидат и поголеми!
– Грузија се покажа како „тврд орев“ во последните неколку години, и ниту Данска ниту Ирска не можеа да постигнат гол во Тбилиси за време на квалификациите за ЕП 2020. Истото не можеше да го направи и Белорусија во октомвриското полуфинале. Грузија започна „како воз“, стекна водство, а потоа ги блокираше сите налети на противникот.
Македонија е на високо ниво откако за првпат во својата историја заврши на третото место во еден квалификациски циклус. Составот предводен од 37-годишниот Горан Пандев, стави крај на надежите на Косово во полуфиналето и воедно нема пораз на последните шест натпревари – се вели во кратката најава на УЕФА.