Европската фудбалска федерација предвреме ослободи 70 милиони евра наменети за екипите како компензација за учество на нивните фудбалери во репрезентативните активности во квалификациите за Европското првенство.

УЕФА се одлучи на ваков потег за да им помогне на екипите последно да се носат со финансиската криза која ја предизвика пандемијата на коронавирусот.

Исплатата на овие пари требаше да биде по завршувањето на дополнителните квалификации каде учествува и македонската фудбалска репрезентација со своите настапи во Лигата на Нациите. Македонија треба со Косово да се сретне во полуфиналето на плејофот од Лигата на Нации, но поради коронавирусот натпреварот е одложен и не се знае новиот датум.

Екипите чии репрезентативци играа во квалификациите и нема да играат во дополнителните квалификации ќе добијат 50 милиони евра, додека 17.7 милиони евра ќе бидат распределени на екипите кои играчи ќе настапат во дополнителните квалификации. Преостанатите 2.7 милиони евра ќе бидат распределени по завршување на квалификациите.

– Во овие тешки времиња многу екипи се соочени со финансиски проблеми. Наша должност е да се погрижиме клубовите да ги добијат своите пари што е можно побрзо – изјави Александер Чеферин, претседател на УЕФА.

И македонските екипи ќе добијат дел од парите , тоа се Шкендија и Вардар кои имаа по тројца фудбалери, Академија Пандев имаше двајца репрезентативци и Работнички кој има само еден.