УЕФА објави дека покренала дисциплинска постапка против Реал Мадрид, Барселона и Јувентус, три клуба кои сè уште не се повлекле од Суперлигата.

Од 12-те основачи на Суперлигата, девет клубови се повлекоа, но овие три великани одбија и сега се соочуваат со казна.

– Како резултат на истрагата на етичките и дисциплински инспектори на УЕФА за таканаречениот проект Супер лига, отворена е дисциплинска постапка против Реал Мадрид, Барселона и Јувентус за потенцијално кршење на законската рамка на УЕФА. Дополнителни информации ќе бидат достапни во догледно време – се вели во соопштението на европската фудбалска организација.

Да потсетиме, претседателот на УЕФА Александар Чеферин претходно им се закануваше на клубовите со исфрлање од Лигата на шампионите.

– Кристално е јасно дека клубовите ќе треба да одлучат дали се во Суперлигата или се европски клубови. Доколку тие кажат дека се во Суперлигата, тогаш секако дека нема да играат во Лигата на шампионите. Доколку се подготвени да го направат тоа, тогаш нека играат во свое натпреварување – рече Чеферин.

Доколку остане во Барселона, Куман има листа за отстрел