УЕФА демантира дека ЛШ мора да заврши до 3 август
Поради пандемијата на коронавирусот продолжувањето на сезоната во европските фудбалски првенства се одложува, не може да се прецизира официјално со точен датум.
Претходно од германските медиуми беше објавено дека според претседателот на европската фудбалска куќа натпреварите од оваа сезона во ЛШ и ЛЕ мора да завршат до 3 август, но веднаш стигна демант.
УЕФА негираше дека мечевите од Лигата на шампионите и во Лигата на Европа треба да бидат завршени до 3 август, и покрај информациите од германскиот „ZDF“, каде што се цитира Александар Чеферин.
– Претседателот беше јасен да не поставува точни датуми. Најважно е здравјето на луѓето, а истовремено бараме решение во календарот да ги комплетираме сите натпреварувања. Моментно се разгледуваат опциите да се игра во јули и август, доколку биде потребно, а ќе зависи и од тоа колку ќе дозволат државните власти – велат од УЕФА.
UEFA deny there is an August 3 deadline for Champions League and Europa League conclusion; say quotes widely reported from German media are not true. Story @goal @GoalNews https://t.co/7Gs69NE1IS
— Emma Smith (@emmasmithjourno) April 5, 2020
Пандемијата на коронавирус доведе до прекин на спортот скоро во цела Европа, продолжувањето на сезоната во фудбалските првенства се одложува, не може да се прецизира официјално со точен датум.
Претходно Чеферин зборуваше за алтернативата до крајот на јуни да заврши сезоната, во спротивно истата ќе биде загубена, а сега е под знак прашалник е и продолжувањето на сезоната на почетокот од август.
Поместувањето на завршницата на двете најголеми клупски европски фудбалски натпреварувања можно е да донесе одложување и на новата сезона (2020/21), како и репрезентативните настапи во Лигата на Нациите.
Потсетување дека за наредната година е одложено Европското првенство каде што се надеваме дека ќе се најде и најдобрата македонска репрезентација.