Денеска како што и се најавуваше се случи официјалната промоција на македонскиот репрезентативец Илија Несторовски како ново летно засилување на калчолигашот Удинезе.

Претходно Удинезе само го потврди трансферот на Несторовски од редовите на Палермо, а сега е и презентиран споделувајќи ги импресиите во својот нов клуб пред јавноста, како и очекувањата за претстојната сезона.

– Шест години по ред постигнувам двоцифрен број на голови, така сакам да биде и оваа сезона каде што мојата цел ќе бидам да постигнам 10 погодоци. Исто сум имал и многу асистенции, знам како да се движам на терените и комуницирам со соиграчите, мојата улога останува како напаѓач – вели новиот фудбалер на Удинезе.

Своите голгетерски перформанси веќе ги покажува на пријателските натпревари, беше двоен стрелец во триумфот над нисколигашот Кјарлинс.

Додава дека ова е голем чекор за него, Босанецот Јајало (поранешен тимски колега од Палермо) и Хрватот Перица му помогнаа да се приспособи во новата средина.