УДАР во тајност – Војската на САД извршила напад на Иран
Војската на САД извршила сајбер напад на компјутерските системи на иранската армија откако американскиот претседател, Доналд Трамп се откажал од плановите да се изведе конвенционален воен удар на Иран за соборување на дронот на САД, соопштиле денес американски официјални лица.
Сајбер нападите се извршени со одобрување на Трамп, потврдиле две официјални лица, кои не сакале да бидат именувани, пренесуваат еспресо.рс.
Сајбер нападите, кои се планирани повеќе недели со растечката тензија, ги оневозможиле иранските компјутерски системи кои ги контролираат лансерите на ракети.
Тие додале дека метата на сајбер нападот е компјутерскиот систем на Иранската исламска револуционерна гарда, која администрацијата на Трамп ја означила како страна на терористичка група претходно оваа година.